大湯家 (已結業)

经常性返工前会响度，都会买两个粢饭走，觉得真系几好食，15蚊个当早餐唔算贵，不过当早餐店黎讲～唔见佢有豆浆，肠粉，烧卖，萝卜糕卖。讲番个粢饭～入面系咸蛋味肉松配炸菜加油炸鬼，觉得真系比出面其他粢饭特别啲。而佢架午餐我都食过1次，坦白讲佢地 架 午餐炖汤 套餐真系好麻麻 价钱亦唔贴地，汤架味道唔浓比较淡。而对比 出面靓汤价钱，一般 大约 2x至4x蚊 1个都有，而味道已经相当唔错，如果系例汤配饭都系加多5到10蚊，只系分量大小 同碗汤见到架配料有几多。舖面比较细 所以我都明白 堂食有限制，要光顾超过6x蚊以上先可以堂食。呢个舖位面积相当唔适合做堂食。佢地早餐比午餐好食，不过佢早餐选择少，唔觉有下午茶，如果有其他道地小食做选择就更好啦！可惜佢地2月17号结业，之后都无得食粢饭。