影片
更多
2011-05-20
3546 浏览
以前都唔知呢间店系饼店。因为个店面好华丽,我一直以为系一间结婚用品或wedding planner 之类的店，直到今年生日。因为老公赶唔切收铺前去攞蛋糕，唯有叫我去攞自己的生日蛋糕。因为我冇单又会比预定时间早到，所以我出门前打比店家问明，听电话个女士好斯文，好nice。直至𠮶刻我都唔知我要去的就系呢间店，尤其是附近都有几间出名的饼店，我以为系另一间，到车到门口，我仲问司机间饼店响边，边度有饼店，佢就指住呢度个门口，我半信半疑咁推门入去，因为当时两位店员都有其他客人，我就四围望下，入面有几个人咁高的大型蛋糕外，店的一角有个饼柜，放满咗一排排好靓好精致的迷你蛋糕，睇返之前的食评 (即系啱啱) 我先知呢D迷你蛋糕就系佢地的cup cake，因为靓得太紧要，同有好多唔同款，我以为佢哋系假架~ 我以为𠮶D只系sample，即系食店𠮶D dummy。真系失礼嘞其实都等咗十分钟有多，但店内个气氛，我赶赶地时间都唔好意思打断人哋去催，我当时心谂仲有我入门时己经有另一个客人等紧，都唔知要等几耐添。好在呢个时候其中一个店员(老细?)忙完过嚟问我有咩帮到我，我同佢讲我想攞蛋糕佢就知道我系边个，我谂佢就系听电
因为老公赶唔切收铺前去攞蛋糕，唯有叫我去攞自己的生日蛋糕。因为我冇单又会比预定时间早到，所以我出门前打比店家问明，听电话个女士好斯文，好nice。直至𠮶刻我都唔知我要去的就系呢间店，尤其是附近都有几间出名的饼店，我以为系另一间，到车到门口，我仲问司机间饼店响边，边度有饼店，佢就指住呢度个门口，我半信半疑咁推门入去，因为当时两位店员都有其他客人，我就四围望下，入面有几个人咁高的大型蛋糕外，店的一角有个饼柜，放满咗一排排好靓好精致的迷你蛋糕，睇返之前的食评 (即系啱啱) 我先知呢D迷你蛋糕就系佢地的cup cake，因为靓得太紧要，同有好多唔同款，我以为佢哋系假架~ 我以为𠮶D只系sample，即系食店𠮶D dummy。真系失礼嘞
其实都等咗十分钟有多，但店内个气氛，我赶赶地时间都唔好意思打断人哋去催，我当时心谂仲有我入门时己经有另一个客人等紧，都唔知要等几耐添。好在呢个时候其中一个店员(老细?)忙完过嚟问我有咩帮到我，我同佢讲我想攞蛋糕佢就知道我系边个，我谂佢就系听电话𠮶位女士。
当佢攞个蛋糕出嚟时，我一望到即刻心谂(系咪应该用从心赞叹贴切D呢?) "好靓呀<3"~ 唔知佢有冇发现我双眼发光𠮶一吓呢?
但我保持冷静同佢讲个蛋糕好靓，表示OK，呢位女士就一边同我倾偈一边将个蛋糕入盒包好。可能佢哋平时D蛋糕要多D空间去保存/保护蛋糕上的装饰，虽然我个蛋糕只系一磅，但造"帽边"个底令佢整个底大咗，所以我个盒好大，唔知以为我买咗个5磅的蛋糕。好在咁啱𠮶日清咗个雪柜，但个盒个高度我要攞出一个层格先放得入。
因为个蛋糕款唔系老公拣而系落单的女士话帮佢设计，所以切蛋前全屋只有我见过吓个蛋糕， 我打开个盒前同佢哋讲我个蛋糕靓得好紧要，但当时我形容唔到个样比佢哋听(因为我都望咗一望)，到个盒打开一刻，全家人都哗咗出嚟。
一层过的圆型蛋糕垫响一张圆型的硬咭上，但唔系放响正中，放过咗少少，做到一顶礼帽咁样。全个蛋糕同垫住的硬咭都铺咗一层淡粉红色的忌廉，再响上面用白色忌廉唧咗好似古典/欧式墙纸/窗帘𠮶d "S" 花纹,围住个蛋糕系一条1吋多阔的紫色"丝带"，条丝带的质地好似细路仔玩𠮶d泥胶咁，上面压咗好清晰的花纹，其实呢D"泥胶"系用咩做呢? 仲有好多同"紫色丝带"一样质地的彩色小花"随意"咁铺响"帽"上面装饰。前面的"帽边" 上放咗大大块丝带形状的白朱古力牌，写齐咁多个人名,日期同个message, 足足三大行字。
到食蛋糕嘞，因为佢咁靓，我好乡里咁谂住都系好睇唔好食多，点知入面系一层又一层的朱古力蛋糕同朱古力夹心，层朱古力夹心系好似好多脆米的甘脆朱古力咁,唔太甜,又劲朱古力，真系冇谂过个蛋糕原来睇得又食得，真系好surprised x 2!
无论造型，味道，包装以致服务都令我哋满意满分，我觉得绝对超值。嚟紧下个月囡囡生日，谂住再定一个立体蛋糕攞去学校比佢开生日会，所以上嚟想揾返个电话问下应该几时落ORDER。睇到其他食评的相，先知原来佢哋的CUPCAKE都已经咁靓，我谂我会改订CUPCAKE比佢哋一人一个，唔洗切饼分饼，又可以有好多唔同款式同试到唔同味道。到时一定逐个影靓靓相再post上嚟。
张贴
