元気寿司 (HomeSquare)

营业中

休息中

元气间间分店都唔同味，今次试嘅home square分店应该系我食过最难食。叫咗个午餐自选餐，有汤乌冬配炸墨鱼软骨，寿司有三文鱼、长鳍吞拿鱼配炸蒜、蒲烧鳗鱼、北寄贝、蟹柳卷，怕唔够饱再加多个辣味三文鱼手卷。汤乌冬非常之咸，要疯狂饮茶先至可以食得落！而且乌冬煮得比较硬身，好似同其他分店有啲唔同。炸墨鱼软骨都系偏咸，炸得唔够松脆，入边只系啱啱好暖，有少少失望。寿司就不过不失啦，都唔会特别好味。反而个辣味三文鱼手卷就真系争啲，明明出面食嘅辣味三文鱼好好味，但系呢一间就完全冇𠮶种鲜甜味，只系食到辣味。朋友都觉得呢间分店难食，下次都唔会再帮衬。