山東餃子館 (已搬遷) 新店位置

话说朋友话食过呢度嘅面好好食，本身都冇乜太大期望，因为都系觉得面都系冇乜特别姐😂点知真系好唔同！记得细细个去北京旅行𠮶阵食过一个打卤面，虽然只系汤同埋面嘅结合，但系已经好食到好难忘！咁岩入到黎见到有一碗北方打卤面，所以就忍唔住想回味一下！成碗面嘅精髓在于汤底，再加上佢嘅面爽口弹牙，真系一绝😍😍再加埋上面有啲健康嘅云耳青瓜等等，成个感觉都好健康，哈哈搞到我忍唔住差啲成碗汤都饮晒另外在叫咗一个麻辣土豆丝，呢度嘅麻辣住得好好食，麻香味比较好浓烈，另外我叫嘅系小辣，所以唔会有一种好辣嘅后劲！再加埋爽口嘅土豆丝，所以真系非常好☺️整体而言都系一个食lunch嘅好地方🤣🤣