茶茶台式料理 (已結業)

放工约朋友出旺角食饭，谂起呢间台式小店食物唔错，价钱都合理，于是去咗食。最钟意食芝士肉松蟹柳蛋饼，平时去台湾旅行一定揾一两朝食蛋饼做早餐。今次蛋饼入面既芝士肉松蟹柳好丰富，而且𠮶皮好薄，面头有啲白芝麻，好香，下次会encore！牛肉面啖汤味道浓郁，加埋啲酸菜好正。牛肉有四大旧，份量好够，煮得好淋，而面质弹牙，份量好够，食完好饱。朋友喺门口被外婆炸酱面张相吸引，所以点咗。𠮶面上枱时仲有热腾腾既烟雾，朋友话碗面唔太油腻，感觉健康！小香肠拼盐酥鸡粒都唔错！印象中台湾香肠偏甜，对不特别嗜甜嘅我唔系好啱胃口。但呢度嘅小香肠调味适中，既冇一般台湾香肠咁甜，亦冇茶餐厅既厨师肠咁重口味。盐酥鸡粒外皮又薄又脆，唔会感觉喺度食紧很厚的面衣，正！