奈良上釜 (已結業)

喺登龙街返咗咁耐工，一次都未试过宜家离咗职先走去食第一次试，同朋友一齐午餐首尝一个釜饭及一客小食，由于我哋都唔食生野及朋友也不食鱼，所以月见和牛釜饭会系我哋最好的选择。因为事先睇过食评，有唔少客人都话份量足，所以我哋选择搭多个小食就足够，以免浪费。月见和牛釜饭 牛肉真系好多，饭都本身有牛汁，捞埋只蛋就食得啦。味道唔错，珍珠米吸晒啲牛汁，好味再食埋个牛肉，好软好淋，可惜最后我哋发现一个扣分地方就系偏大旧嘅牛肉咬唔烂，因为仲系生嘅，入面仲系红色，好可惜浪费咗好几旧牛肉。因为呢款肉唔熟就会咬唔烂，唔会夹硬吞到落口🤣🤣唔似啲雪花油脂多嘅牛肉，就算未熟晒都会咬得开。所以建议餐厅一定要改善熟嘅程度，咁就good good 啦！呢个釜饭套餐会包一个小食拼盘，如下个茶碗蒸几好味，唔会腥，呢样好紧要🙈麻酱豆腐一砖 - 正常甜蕃薯一旧 - 正常迷你杂菜 - 普通白萝卜两片 - 普通鱼肉粒，似零食果种 - 有腥味，一般整体个拼盘除咗茶碗蒸，其他应该伋九视觉效果而加添的。最后个唐扬炸鸡，不过不失，只系分量偏细好彩有好多沙律酱点，所以都过得去🤣🤣值得一提嘅系，侍应哥哥不停主动帮我哋添茶而且亦都冇催我哋交枱，倾得