功夫點心 (已搬遷) 新店位置

今年食过嘅月饼都唔算好古灵币怪，都喺啲奶皇、白莲蓉、伍仁之类，比较中式及传统，如要算喺有少少特别，就喺朋友嘅谢礼，功夫点心嘅「蛋黄芝麻月饼」，加入黑芝麻作馅心，期待佢嘅芝麻香味会有几浓。以深啡硬纸皮作包装盒，简单嘅标志，如真功夫般表沉实，唔太造作。芝麻月饼喺迷你装份量，一盒有4小个，依家嘅月饼以独立包装喺必然嘅事，而每个月饼都印上「功夫」两个字，清晰表达佢嘅出处。睇外表，跟一般嘅莲蓉月饼无咩分别，但一切开，正正式式嘅「黑心」月饼，饼皮搓得够薄，内里全部都喺芝麻莲蓉馅，虽然加入咗莲蓉，估计成份唔太多，所以，唔太甜之余，芝麻味十分突出；每个月饼只有一只咸蛋黄，而且，唔喺好大个，所以，比起其他嘅又双黄、又三黄，依款月饼相对健康少少，味道亦唔错，芝麻莲蓉馅好软滑。唯一唔理想嘅地方，喺咸蛋黄有啲干，缺少一份油香感。功夫点心都帮衬过，但只限饮茶食点心，佢嘅月饼都喺第一次食，整体感觉不俗！