幸運小亭

营业中

休息中

今日放假黎到赤柱，行行下肚饿去揾野食。见到海旁有d餐厅，可以望住个海景黎食野，咁岩有一间有汉堡包食，好似几吸引咁，就走左去食。开头我地见咁多空位，就是但揾左个4人位黎坐，之后就俾呀姐叫左我地去2人枱到坐。我地就叫左炸洋葱碎烟肉牛肉汉堡包配薯条，羊肉串烧配酥饼同一杯椰汁红豆冰。个牛肉好厚好大块，咬落去好juicy😋，块烟肉都唔干同硬，系个薯条加$30有d贵。羊肉串烧都还可以，配酥饼食，不过不失，始终系咩都有既餐厅，不能要求有串烧店咁惹味同香口，但相对下价钱仲贵过汉堡包，有点不值既感觉。椰汁红豆冰有惊喜，佢本身间铺有沙冰饮，唔知系唔系因为咁，杯红豆冰系沙冰黎，比起传统快餐店饮开既红豆冰口感唔同。我几钟意呢种整法，起码唔驶饮饮下食左旧冰。