明道

营业中

休息中

一入黎第一个感觉系一间好有亲和力嘅和食小店。结果成餐饭嘅用餐体验都完全符合。如果想食一餐轻松嘅饭，又想有惊喜，又吾想烦点菜嘅和食料理，呢间会系一个几好嘅选择。刺身寿司版嘅 omakase 由新奇食到有d闷甚至已经开始放弃，呢个走熟食版嘅日食 omakase 反而值得一试再试。第一次食肯定吾会一黎就100分，反而系觉得佢地下次再黎会有更好体验，而且又值得再黎多次，会期待下一次黎嘅更好体验。一间好嘅餐厅，有时比到你知佢吾止咁少野，佢仲有更多好野值得一试再试，咁样keep住有新鲜感，又同时间慢慢培养出一种归属感，更有意思，更值得存在。呢餐 omakase 铺排上会用串烧作开始，再黎一份和食，最后以一锅自家制鱼汤做汤底嘅 shabu shabu 做结尾。因为系 omakase. 每枱食到嘅都系经理简单了解完客人口味再安排嘅出品。所以我食到嘅，我觉得好食嘅， 只限于我个人体会。但 overall 嘅出品，相信最少都会达到岩食嘅评价。个人觉得最有意思系最后嘅 shabu shabu 汤粥。试过就明。最新奇好食系濑尿虾天妇罗。