牛扒先生 (已結業)

同朋友去沙田shopping 做一日沙田友，行到无哂力，又忘记左用app 拎位，成件事真系灰爆。但奇迹出现了，睇多几间，mr steak有位！于是就冲去！四个人叫3个餐，有汤有沙律有扒有粉，有野饮。先黎系4粒scone，味道ok，但质地较硬。再黎上左个沙律，普普通通，无咩特别。我地有两个汤，一个洋葱，一个松露汤。两个汤质地好水下，味道都系偏淡。三个main courses 分别系蟹肉饼千层面、烧鸡拚BBQ骨同牛排。蟹肉饼煎得香脆蟹味浓，好食。但个千层面虽海鲜料多，但面地焗到溶烂，食到面粉味，汁同芝士多d可能会好。至于烧鸡肉嫩，但个骨有烧酒味，明显用酒腌到过左龙。而作为专食牛排嘅专家，7成未到肉质已经偏un，肉味淡，汁亦淡，有些失望。总括而言，价钱比一般西餐贵d，但质素未有更好，胜在有位。返食指数3粒星 (最高5粒)。