金潮榕火鍋刺身專門店 (已結業)

这店已经光顾过几次，食材新鲜，刺身选择多，所以今日约埋公司同事来团年，见到爱尔兰生蚝做特价$168半打，叫咗一打试吓(非常鲜甜)，之后再叫咗象拔蚌同加拿大海胆（海胆甘香），大家都非常满意。汤底拣咗沙爹拼清汤，佢地个沙爹好香浓，我每次都会叫，配牛肉十分夹！主角牛肉出场，我叫咗极上本地牛颈脊，肉质软腍牛肉味浓，其他火㶽料点咗: 必食响令(即炸)好香脆，黑牛栢叶，牛脷，墨鱼滑（爽、弹），田鸡，花雕醉虾，鱼腐，白鳝片（爽脆）……。每样都好新鲜，值得推介比朋友，我地每年团年都去酒楼食，今年选择打边炉，所以个个都食得好开心！