大圍小館

营业中

休息中

今日去大围小馆，第三次去，非常期待。但食后感不似预期。个侍应一嚟到已经同我讲啲事令唔知乜嘢乜嘢嘅餐牌，我哋话乜都唔要。因为去过两次，已经知道自己想食乜。上次觉得个蒸蟹饭非常好味，今次再叫。点知上到嚟系一个砵嘅唔知乜嘢蟹饭。个侍应系咁话我哋系叫呢个。我话我哋叫蒸蟹饭，佢话系呢个系大闸蟹蒸蟹饭啰。连个部长都要过嚟话佢哋已经整咗，我哋点都要要咗佢。冇办法，而家一月都嚟紧，都要咗呢个唔知咩大闸蟹饭。价钱呢个唔系问题，问题在于呢一砵类似呕吐物嘅嘢，乜嘢蟹味都冇，唔好讲话系大闸蟹味。我觉得俾个侍应夹硬昆嘅feel。十二月尾食大闸蟹饭，简直当我哋水鱼，要咗佢哋放埋喺雪柜由10月放到而家嘅大闸蟹肉（如果有）。啫啫芥兰㷛又系另一个千祈唔好叫嘅𩠌。芥兰硬到咩咁，又苦。真系唔好意思，本来都好钟意大围小馆，但系今次真系唔得。加张图show 张单俾你哋睇吓佢哋点将我地叫嘅蒸蟹饭变咗「鲜拆砵仔大闸蟹饭」。