農場冰室

营业中

休息中

成日同同事都讲Kennedy Town无乜嘢新餐厅，食嚟食去都系𠮶啲。今次就俾我地揾到呢一间农场冰室，无论装修定餐牌，都有啲似90年代曾经成行成市嘅农场餐厅。啱啱装修完，入到去仲见到个Bar枱有个花篮，成间铺头唔算太大，大概有十几张枱。食品种类同普通茶餐厅比唔算太多，但系麻雀虽小五脏俱全，应该有嘅都会有。好似一般嘅茶餐厅咁，要试嘅当然就系佢哋嘅茶餐/常餐。香煎猪扒米线/自家制叉烧汤出前一丁   配    黑松露炒蛋跟蒜蓉厚多士 同餐饮 ($46)。猪扒整得几入味，略兼松肉粉落得太多，搞到无乜质感。蒜蓉厚多士都够味，上碟时都系又热又脆嘅！黑松露炒蛋都唔会吝啬，不过松露味可以再浓少少。