萬發海鮮菜館

营业中

休息中

突然好想食大排档 约埋朋友去左呢间都几出名既万发。估唔到真系有惊喜，每样菜式都好有水准😍黑椒薯仔牛柳粒我谂呢样菜式应该每枱都必叫，薯仔外脆内软，牛柳粒每一粒都好松软，完全唔会有咬唔开嘅问题，薯仔同牛柳粒都沾满甜甜嘅蜜糖，而家谂起都想再食🍯沙嗲金菇肥牛煲见呢排转凉即刻叫返个煲捞饭食，呢个煲又系好出色，沙嗲香浓但系唔会过分咸，重点系有巨量粉丝，仲要系劲索汁，岩晒我呢啲粉丝爱好者！但金菇分量相对小啲。生炒骨生炒骨甜酸酸酸好开胃，外皮脆脆的，啲甜酸汁捞饭都不错！菠萝都好大粒🍍椒盐鲜鱿鲜鱿新鲜，食落有弹性，又系好快清盘嘅一样𩠌，配埋啤酒啱晒🍻