四寶食堂 (已結業)

留意咗好耐依间四宝食堂㗎喇，佢嘅Tiffany blue装潢真系劲吸晴，以为佢用装潢吸引人嘅贵价茶记，帮衬完先知佢系睇得又食得～Menu好多选择，中式又有西式又有，样样都好吸引咁，男友好快就拣好要招牌瑞士汁炒牛河，因为佢话唔系好多地方有得拣，碟炒河上堂未食就知一定好好味，不论河粉定牛肉都被满满嘅瑞士汁包裹著，超浓郁！ 佢话系佢食过瑞士汁炒牛河头３甲𠻹啵！之后我就嗌咗黑酱油胡椒粉丝大虾煲，铁锅上个煲keep住热辣辣，加咗黑酱油都唔会令到啲粉丝好湿，条条分明好干身，好爽口，加埋d胡椒超惹味，果日咁啱天气凉凉哋食，一流！啲虾有３大只，真系大虾嚟冇呃人，仲系爽身嘅！另外嗌咗个椒盐豆腐金砖share食，果种外脆内嫰滑真系拍得住酒楼嘅水准，食到停唔到口！赞！