影片
更多
2022-08-06
544 浏览
放假一行三人喺朋友屋企打机睇波，原来时间都唔早🌘，就喺附近买啲嘢食，刚好有间粥面店「富景清香面家」开到好夜。虽然差唔多成十点，但都仲有好多人食紧。小店环境OK嘅，唔算太窄，但都系买返去叹冷气慢慢食舒服啲🥡。店员姐姐仲建议我哋加一蚊分汤，唔好整淋啲面。牛腩牛筋河($45)，𩠌同粉嘅份量，可以话系一比一。🥩牛腩肉味浓郁，肉质唔嚡，但部位就偏肥少少；而牛筋就弹性满满。河粉幼身，并无碎湿湿。一鸣云吞面($32)，🥟云吞大大粒，入面包裹原只鲜虾，真材实料，如果冇记错应该系有五粒。另外，幼面分开上，保持口感，碱水味亦可接受。茘湾艇仔粥($25)，🍚粥底绵密，唔稀唔糊，好够味兼且足料，包括鱼片、瘦肉、鱿鱼、花生同葱等，每啖都有𩠌配。凉拌黄瓜拼海蜇($38)，小食份量好多，海蜇脆卜卜，而垫底嘅青瓜亦同样香口🥒。调味带麻油香，辣辣哋，几醒神。鸡蛋肉碎蒸米粉($25)，蒸米粉有惊喜，口感烟靭，而且简单加啲葱同芹菜，味道清清哋唔错。上面仲有一块窝蛋肉饼，相当惹味🍳。鲜虾肠粉($25)，肠粉喺餐厅手拉，口感几滑，不过就略嫌啲虾唔够大只🦐。油条($10)，呢个正正常常，今时今日一条油炸鬼卖十蚊都唔算贵🙈。总括嚟
放假一行三人喺朋友屋企打机睇波，原来时间都唔早🌘，就喺附近买啲嘢食，刚好有间粥面店「富景清香面家」开到好夜。
虽然差唔多成十点，但都仲有好多人食紧。小店环境OK嘅，唔算太窄，但都系买返去叹冷气慢慢食舒服啲🥡。店员姐姐仲建议我哋加一蚊分汤，唔好整淋啲面。
牛腩牛筋河($45)，𩠌同粉嘅份量，可以话系一比一。🥩牛腩肉味浓郁，肉质唔嚡，但部位就偏肥少少；而牛筋就弹性满满。河粉幼身，并无碎湿湿。
一鸣云吞面
$32
27 浏览
0 赞好
0 留言
茘湾艇仔粥($25)，🍚粥底绵密，唔稀唔糊，好够味兼且足料，包括鱼片、瘦肉、鱿鱼、花生同葱等，每啖都有𩠌配。
凉拌黄瓜拼海蜇($38)，小食份量好多，海蜇脆卜卜，而垫底嘅青瓜亦同样香口🥒。调味带麻油香，辣辣哋，几醒神。
鸡蛋肉碎蒸米粉
$25
18 浏览
0 赞好
0 留言
鲜虾肠粉($25)，肠粉喺餐厅手拉，口感几滑，不过就略嫌啲虾唔够大只🦐。
油条($10)，呢个正正常常，今时今日一条油炸鬼卖十蚊都唔算贵🙈。
总括嚟讲，呢间粥面店有好多嘢食🥢，而且食物质素亦唔差，份量又够多。我依餐埋单都只系二百蚊，绝对系性价比高之选！再加埋店员们几好招呼，难怪有唔少街坊帮衬😊。
张贴
