成點心館

营业中

休息中

Boxing day出咗深水埗買禮物，買完嘢去咗附近一間點心店到食，小店叫成點心館，好受單身男士歡迎😆店內全部卡位都幾闊落，店員好快送上茶水，一邊洗餐具一邊睇下食咩先。⭐天麻燉老雞 & ⭐五指毛桃燉排骨同朋友先點咗兩碗燉湯，呢期個口味係天麻同五指毛桃，前者有點藥膳感覺好香口，後者清潤啱曬呢排食咁多煎炸嘢。⭐香口韭菜角叫咗個炸韭菜餃，大大隻餡料飽滿，咬落係韭菜香同肉香，仲有唔少菜汁添👍⭐蝦膠炸茄子釀茄子嘅蝦膠十分彈牙，茄子炸得外脆內嫩，鮮味多汁。⭐翡翠爽口菜苗餃再嚟有菜苗餃，同平時食開嘅菜苗餃造型唔一樣，呢度用上開口餃，咬落去滿滿嘅青菜味，感覺清新。⭐花雕棉花雞最後仲有棉花雞，調味係小時候嘅感覺，棉花吸咗雞汁好正，雞件嫩滑，下面墊底有芋頭，軟綿綿正喎😋小店進進出出每秒鐘都坐滿客，重大部分係熟客添喎，咁呢度啲點心係幾好食，值得嚟吖。