人人和平小飯店 (已改名) 查看

同屋企人两个人食，分别嗌咗晚市套餐嘅烧味双拼、琵琶豆腐、皮蛋一客。服务唔错，佢啖茶值得一赞，唔系普通嘅普洱茶佢系带啲陈皮味，我觉得比起一般小菜餐馆呢一点解系优胜嘅。先讲烧味双拼饭，烧肉拼烧鹅。听屋企人讲佢嘅烧鹅出名，但系有对比之后觉得烧肉反而更加出色，超级脆皮唔会话太多肥膏而油腻，咬落去肉系松软唔会实的的。 烧鹅正常，睇你要同咩舖头比，个同好出名嘅烧鹅店比可能佢冇咁出色，但依然做到皮脆有鹅香。琵琶豆腐，原本见到menu上面写要预订，所以本身想叫鹅汁浸鹅肝，但系平日嘅晚上反而佢冇，一问之下发现原来今晚会做琵琶豆腐当然要试一试。外皮炸得香口，但系里面依然嫩滑，个汁的调味亦好好，送饭好。皮蛋里面有啲流心，本身我唔系特别好皮蛋，至少我放落口佢冇𠮶阵可怕嘅石油味。据屋企人话皮蛋都唔错。呢间餐厅我会encore, 会同屋企人去试午市同晚饭，因为其他嘅小菜同埋佢砂锅饭我都有兴趣。