忠記粥品 (鴉打街)

营业中

休息中

呢到好近果栏, 啱晒去完果栏买🍇生果之后过黎开餐, 而临近中秋食左好多月饼, 所以今晚决定食粥减轻胃部负担, 呢间粥店比香港普遍既街坊粥店新少少同企理, 我地之前都有帮衬过, 𠮶次仲叫左件白糖糕, 好味清甜无酸味, 但近排我个甜品胃比月饼填到满泻左, 下次啦。我地叫左艇仔粥, 咸蛋碎牛粥, 油炸鬼, 肠粉同豆浆, 艇仔粥我无食, 问老公觉得点, 佢话: 材料黎讲唔够前排我地食元朗新记𠮶间丰富, 但$18碗仲想点。我就食咸蛋碎牛粥, 我个人认为咸蛋同粥系绝配, 但我系香港帮衬过既粥店都无见过有卖咸蛋粥除左呢间, 而碎牛粥我觉得可以列入香港经典食物之一, 好味又有特色。佢地既粥底系偏清淡既口味。值得一赞既系油炸鬼, 虽然送黎既时候系冻既但系仲脆架, 好味。