後宮 (已結業)

后宫系新开嘅港式边炉，位于尖沙咀赫德道，地段优越，喺正酒吧街，打完边炉仲可以去附近饮杯嘢。餐厅空间十足，私隐度高啲可以提早book包厢，仲有得唱K，啱晒一班朋友嚟聚会。大厅区域都有得唱K，够唒气氛。火锅汤底选择有好多，可以拣鸳鸯汤底，价钱都好相宜，我哋拣咗蕃茄鱼汤薯仔锅（$98），性价比几高。鱼汤煲得好入味，加埋蕃茄薯仔，好鲜甜，落料打边炉之前都忍唔住饮咗几碗，原汁原味😍火锅配料有精品肉类、海鲜、蔬菜类等，仲有即叫即整哪小食，选择都几多，特级封门柳好出色，牛肉嘅纹理好分明，油脂分布平均，轻轻渌4,5秒就食得，入口即溶。脆鲩鱼片好新鲜，爽口得嚟鱼肉味好香，而且冇乜骨。鲜虾丸同鲜虾云吞啲肉比较散，虾肉尚算新鲜，但胜在份量够多，两个人食都几饱。最后嗌咗小食椒盐鱿鱼头，鱿鱼炸到好香口，椒盐味好重，越食越口渴，用嚟送啤酒一流。后宫 📍尖沙咀赫德道4号The Hart地库