茶救星球蔬果茶

营业中

休息中

见到店内有个灯箱写住「畀个机会苦瓜，其实唔苦」好搞笑，但确实如此👍🏻苦瓜气味苦、性寒，入心、肝、脾、肺经。清热祛心火，解毒，明目，补气益精，止渴消暑。除左咁，苦瓜嘅维生素C含量好高，佢嘅养份仲有滋润白皙皮肤，镇静和保湿肌肤之效，好有益㗎。🧋苦瓜柠檬茶（冻）$29讲番杯野，佢用香水柠檬🍋加苦瓜，见佢真系人手搅烂佢，唔系用机㗎，好处系可以食到细细粒嘅苦瓜，饮到啖啖嘅柠檬肉，真正手打苦瓜柠檬茶。成杯野好清新，好香，好解渴，食饱饱去饮解腻一流。苦瓜有轻微甘，真系唔苦㗎。🧋牛油果银耳露（暖）$32睇嚟系期间限定，生果加糖水呢个组合够晒噱头。牛油果🥑加埋银耳露，谂到都好润😌。饮到有牛油果肉，银耳，有啲青味，最得意系食到似薏仁嘅野，饮到底见到啦，原来系爆珠，佢嘅爆珠好特别，入面包住粒真系薏仁，烟烟韧韧，口感一流，好值得一试👍🏻🉐。除左饮品仲有只苦瓜猪，同只小麻雀，好搞笑。