滿堂樂滬京風味 (已搬遷) 新店位置

红磡食店一向卧虎藏龙，价廉物美。呢间上海面系我多年嚟经常一个人帮衬，味道一直保持水准！呢间小店由一家人经营，店中有卖大大份粢饭，入面好足料，肉松同炸菜都好够味，加埋杯冰冻豆浆，平时做早餐或者下午茶都唔错！讲返呢度嘅名菜都系碗上海面，我本人就比较钟意食幼面，无论津白定韭菜饺都好出色，如果钟意食酸辣就更加唔可以错过酸辣汤底，够晒足料，酸度辣度都适中，一碗对于男人都够饱！另外都推介炸猪扒同鸡翼，尤其鸡翼好入味，唔系乱嚟；唯一可惜系以前有熏鱼卖，不过近期冇再做，希望第日可以重温滋味！呢度始终系旧区同老店，环境唔算特别干净，但就真系味道同价钱够平搭够！