影片
更多
2019-10-29
880 浏览
上星期同朋友去左湾仔呢间餐厅食omakase，一次过满足我嘅食欲同心灵上嘅渴求。食材新鲜，菜式新颖，厨师系处理食材同设计菜单上面落左好多心思❤️.我地坐左系吧台嘅位置，可以睇住厨师准备食物嘅过程，食呢餐饭嘅途中都有同厨师倾下计，所以不知不觉餐饭都食左3个钟😂.Omakase有分两个价钱，$1180 同 $1680，同样包左沙律、前菜、刺身6点、吸物(汤)、和食、冷物、寿司4点、卷物同自家制甜品，两者分别在于选用食材嘅等级。而家做紧优惠，$1180 set 会买一送一，好抵食！.以下系我今次食左嘅菜式:- 苹果汁清酒酒味唔浓，甜甜地几好饮。- 樱花茶侍应会拎住一盘有唔同款式嘅茶杯俾你拣，拣好自己想用嘅茶杯就可以品尝樱花茶啦👍🏻味道比较淡，有少少樱花味，壶茶系用蜡烛座住，所以唔洗担心会冻哂。- 牛油果他他我好钟意食牛油果，所以呢个菜式我好满意。牛油果挖空，放入几种刺身，包括有三文鱼、呑拿鱼等等，上面淋满wasabi牛油果酱。食落无平时牛油果好腻嘅口感，取而代之系好滑身嘅牛油果酱，加上wasabi嘅微辣同新鲜鱼生嘅清新，呢个菜式好开胃。- 烟熏蛋配烟熏鸭胸上碟卖相好靓，雀仔、雀巢同蛋摆放一齐嘅
.
我地坐左系吧台嘅位置，可以睇住厨师准备食物嘅过程，食呢餐饭嘅途中都有同厨师倾下计，所以不知不觉餐饭都食左3个钟😂
.
Omakase有分两个价钱，$1180 同 $1680，同样包左沙律、前菜、刺身6点、吸物(汤)、和食、冷物、寿司4点、卷物同自家制甜品，两者分别在于选用食材嘅等级。而家做紧优惠，$1180 set 会买一送一，好抵食！
.
以下系我今次食左嘅菜式:
- 苹果汁清酒
酒味唔浓，甜甜地几好饮。
- 樱花茶
侍应会拎住一盘有唔同款式嘅茶杯俾你拣，拣好自己想用嘅茶杯就可以品尝樱花茶啦👍🏻味道比较淡，有少少樱花味，壶茶系用蜡烛座住，所以唔洗担心会冻哂。
- 牛油果他他
我好钟意食牛油果，所以呢个菜式我好满意。牛油果挖空，放入几种刺身，包括有三文鱼、呑拿鱼等等，上面淋满wasabi牛油果酱。食落无平时牛油果好腻嘅口感，取而代之系好滑身嘅牛油果酱，加上wasabi嘅微辣同新鲜鱼生嘅清新，呢个菜式好开胃。
牛油果他他
20 浏览
0 赞好
0 留言
- 烟熏蛋配烟熏鸭胸
上碟卖相好靓，雀仔、雀巢同蛋摆放一齐嘅设计几得意。烟熏蛋味道似铁蛋，不过无咁硬，唔错。烟鸭胸调味偏甜，都算juicy。
烟熏蛋配烟熏鸭胸
17 浏览
0 赞好
0 留言
- 海水
呢杯海水由海带同矿物盐水组成，饮一啖用黎清一清味蕾。
- 刺身盘
有金线鲷、靖鱼、𫚭鱼、池鱼、拖罗同鱼子刺身。靖鱼系腌制过嘅，所以食落有啲似熟左嘅靖鱼。值得一提嘅系个鱼子盒！望落同真鱼子无分别嘅三色鱼子，竟然系用海藻整成！餐厅为左支持可持续发展嘅理念，特登整左呢个份子料理去取代真鱼子，好有心思。因为唔系真鱼子嘅关系，所以食落完全无腥味，平时好怕鱼子嘅我食得好开心😃
刺身六点
10 浏览
0 赞好
0 留言
- 木鱼牛骨汤
汤壶设计好特别，有啲似科学用嘅本生灯，放系下层嘅牛骨汤系煲滚之后就会蒸发上去上面嘅木鱼层，木鱼会过滤油份，所以之后饮嘅汤会无咩油同带有阵阵木鱼味。
木鱼牛骨汤
13 浏览
0 赞好
0 留言
- 报纸鸡卷
「报纸」系用食用墨系米纸上面印上字体而成，食落同普通米纸无咩分别。虽然米纸有啲硬同厚身，但系鸡卷入面嘅嘅鸡肉嫩口juicy，配上照烧汁好惹味。
报纸鸡卷
9 浏览
0 赞好
0 留言
- 鲍鱼肝酱
鲍鱼口感弹牙，配菜经香浓肝酱煮过都好好味道。
鲍鱼肝酱
7 浏览
0 赞好
0 留言
- 土制菠萝雪葩
食左几个浓味嘅菜式，黎番一个refreshing嘅甜点确实系唔错。雪葩入口好滑，味道酸酸甜甜，好消滞，食完呢个就可以继续食下面嘅寿司噜！
- 豆纸寿司
粉红色嘅豆纸折到好似一个纸盒咁，好靓，入面嘅系海胆寿司，海胆系蒸熟左嘅，咁食海胆都系第一次。
豆纸寿司
15 浏览
0 赞好
0 留言
- 咸鱼豆腐白菜寿司
呢个系我认为成餐饭最有心思嘅菜式，厨师用烧马友鱼、豆腐酱同白菜寿司去表达「咸鱼、豆腐、白菜都好好食」，象征住香港人嘅狮子山精神。
咸鱼豆腐白菜寿司
10 浏览
0 赞好
0 留言
- 鱼虾蟹寿司
呢个寿司上面有齐鱼虾蟹嘅元素: 炸虾+炸鱼鳞皮+蟹膏酱，寿司饭系用左龙虾汤煮嘅糯米饭，味道香浓又烟韧，几好食。
鱼虾蟹寿司
17 浏览
0 赞好
0 留言
- 低温鹅肝配窝巴
第一次食低温鹅肝，原来口感同平时煎嘅鹅肝好唔同，质感系creamy d 无咁油，但食落会腻啲，所以餐厅准备左醋俾客人加上去食。个醋好好食，系用左黑醋加蜜糖整成，酸中带甜，中和左低温鹅肝入面嘅酒味。鹅肝配窝巴，我觉得呢个配搭好食过平时嘅鹅肝多士。
低温鹅肝配窝巴
9 浏览
0 赞好
0 留言
- 辣呑拿鱼卷
呑拿鱼卷加入日本辣酱同沙律酱调味，带微辣。伴碟嘅意大利青瓜同莴笋都好食。
辣呑拿鱼卷
8 浏览
0 赞好
0 留言
- 鳗鱼寿司
鳗鱼饭酱汁调味几好，连下面嘅寿司饭都入味好食。
- 鱼鳞啫喱、焦糖多士、巨峰提子梳打
为左物善其用，餐厅用左先前炸鱼鳞片净低嘅鱼鳞精华整啫喱，因为无额外添加鱼胶粉，所以食落口感无平时嘅啫喱硬身，但我几钟意。成餐饭以甜点结尾，好满足。
鱼鳞啫喱、焦糖多士、巨峰提子梳打
24 浏览
0 赞好
0 留言
整体黎讲，餐厅俾我感觉系好用心机去对待客人同每一碟料理，而且食物质素都几好，性价比高，好值得大家去支持同帮衬下❣️
张贴
