影片
更多
2024-06-11
96 浏览
一喜‧拉麺（10/6/2024）今天同个朋友去沙田第一城亲友屋企打麻雀，打完后就同朋友去食晚饭，亲友就介绍我哋去附近一间日式拉面店食，佢话这间日式拉面店嘅拉面好食又好抵食，这间日式拉面店叫一喜‧拉麺，位于沙田石门安群街3号京瑞广场1期地下G18号舖，港铁石门站C出口行几分钟就到，十分方便，店𥚃面装修好有日本风味，地方宽敞、光猛、整齐同整洁，令人坐得舒服，员工有礼貌，服务态度好，来这里食都唔错。餐牌上的日式拉面相片影得好靓，见到都好吸引，又有好多款拉面选择，仲可以按照自己嘅口味选择面质及汤底浓淡度，真系贴心，除咗有拉面食，仲有小食、饮品，还有套餐，尤其是抵食嘅日式丼饭晚餐定食，每晚都有4种丼饭嘅选择，价钱又唔贵，真系好抵食，只系平日星期一至五晚先有得食。我点了店内人气嘅浓厚酱油豚骨汤拉面，我朋友钟意食辣，就拣咗微辛伊势海老豚骨汤拉面，我哋都加咗只糖心蛋，再加小食嘅羽根烧饺子同炸海苔鱿鱼，饮品嘅樽装麦茶同绿茶。浓厚酱油豚骨汤拉面嘅汤底是浓浓豚骨汤，单是汤底味道有浓郁香味，以猪骨高汤熬煮而成，加埋炭烧叉烧，又圆又滋味又大块，还有木耳食得令人爽口，仲有糖心蛋个蛋黄软滑多汁，好香蛋味，加埋紫菜、
今天同个朋友去沙田第一城亲友屋企打麻雀，打完后就同朋友去食晚饭，亲友就介绍我哋去附近一间日式拉面店食，佢话这间日式拉面店嘅拉面好食又好抵食，这间日式拉面店叫一喜‧拉麺，位于沙田石门安群街3号京瑞广场1期地下G18号舖，港铁石门站C出口行几分钟就到，十分方便，店𥚃面装修好有日本风味，地方宽敞、光猛、整齐同整洁，令人坐得舒服，员工有礼貌，服务态度好，来这里食都唔错。
餐牌上的日式拉面相片影得好靓，见到都好吸引，又有好多款拉面选择，仲可以按照自己嘅口味选择面质及汤底浓淡度，真系贴心，除咗有拉面食，仲有小食、饮品，还有套餐，尤其是抵食嘅日式丼饭晚餐定食，每晚都有4种丼饭嘅选择，价钱又唔贵，真系好抵食，只系平日星期一至五晚先有得食。
我点了店内人气嘅浓厚酱油豚骨汤拉面，我朋友钟意食辣，就拣咗微辛伊势海老豚骨汤拉面，我哋都加咗只糖心蛋，再加小食嘅羽根烧饺子同炸海苔鱿鱼，饮品嘅樽装麦茶同绿茶。浓厚酱油豚骨汤拉面嘅汤底是浓浓豚骨汤，单是汤底味道有浓郁香味，以猪骨高汤熬煮而成，加埋炭烧叉烧，又圆又滋味又大块，还有木耳食得令人爽口，仲有糖心蛋个蛋黄软滑多汁，好香蛋味，加埋紫菜、葱花同芝麻就更加香，整体令碗面好有香口感，面条质我选择了普通，啲面入口既感觉真系不淋不硬，亦特别爽滑好食。
而微辛伊势海老豚骨汤拉面只系小小辣，汤底浓郁辛香而不呛喉，叉烧肉质鲜嫩多汁，仲有两粒好味小云吞，真系令人食得满足嘅拉面。小食嘅羽根烧饺子是店里的特色点心，饺子大大粒，一份三件连著，外皮煎至金黄酥脆，肉味香而不滑，每个饺子都有一个独特的羽根烧花纹，好有日式饺子特色，真系好食，而炸海苔鱿鱼就香脆可口，热辣辣脆卜卜，份量不少，鱿鱼肉质爽滑，好配合同饮品嘅樽装麦茶和绿茶一齐食。
这间日式拉面店好值得推介俾大家，食得好滋味又好抵食，食品处理得好，价钱又大众化超值，我哋下次都会再来食其他食品。
张贴
