大山日本料理

营业中

休息中

今晚朋友约黎旺角既大山日本料理。 好耐冇出旺角步行区呢头食野，但朋友话呢间要去试。 黎到真系几有日本居酒屋既感觉，最特别系一排既对街玻璃窗，睇到西洋菜街，几靓。先叫左个火炙吞拿鱼沙律。 冇谂到吞拿鱼都几厚身，而且沙律菜都好新鲜。朋友特别将wasabi 捞入沙律酱再捞沙律，令到成碟沙律都更野味。我地叫左几款寿司： 活赤贝，油甘鱼，火炙黑松露带子，酱油七味烧左口鱼边。 寿司永远都系即叫即做先有个种特别既温度，食落系特别暖心。 而佢都整得似日式既，唔会太大或太细件够新鲜，最正路。朋友唔食牛舌，我就叫一件。 佢既牛舌好爽口，稔身但唔会沉过梳打既感觉，控制得好好。仲有个牛肉豆腐锅，都有好多料，亦冇寿喜烧咁甜。 果然系有惊喜既居酒屋，可以再同多啲朋友黎食。