影片
更多
2010-06-13
25 浏览
行经此店多次, 未尝一试, 刚巧今天老妈去了旅行, 女友又不在身边, 小弟单身一人从家里尊程步行过去品尝。从网上得知此店甜品不错, 正餐靓靓仔仔, 舖头又干干净净; 故而有点期望, 谁知整顿饭的感觉却有如恒生恉数般上上落落, 有点幻得幻失的, 似乎是意料之外。全程如下:进场一刻:感觉不错, 给人齐洁舒服的洋食日本餐厅感觉, 一入去有人讲日语欢迎你。点菜时刻:坐下, 侍应给你一杯清水, 看过是日餐牌后, 有点豫疑不决, 因为餐牌上有一款大虾蚬肉天使面不知要还是不要的好。大约多年前, 鄙人第一次在海港城的某间西班牙餐厅吃过了十分难吃的天使面之后, 从此对天使面十分讨厌, 因为质感有如婴儿糊仔, 令人食不下咽。但今次小弟决定多给天使面一次平反机会, 全因为蔡澜的一句老话: 因为第一次尝新却遇上了厨艺差劲的餐厅, 令人以为这道菜难吃极了, 从此敬而远之, 却不知道是自已一时霉运, 但因此而放弃了一项美食, 真是蚀足了大本。正餐决定了, 那餐汤呢? 问了侍应除罗宋汤外, 那个是日餐汤是何东西时, 小妹妹竟然O咀不能回答。小弟心想, 乜而家D八十后真系咁利害, 返工就真系只带个人, 自家卖乜都未知
从网上得知此店甜品不错, 正餐靓靓仔仔, 舖头又干干净净; 故而有点期望, 谁知整顿饭的感觉却有如恒生恉数般上上落落, 有点幻得幻失的, 似乎是意料之外。
全程如下:
进场一刻:
感觉不错, 给人齐洁舒服的洋食日本餐厅感觉, 一入去有人讲日语欢迎你。
点菜时刻:
坐下, 侍应给你一杯清水, 看过是日餐牌后, 有点豫疑不决, 因为餐牌上有一款大虾蚬肉天使面不知要还是不要的好。
大约多年前, 鄙人第一次在海港城的某间西班牙餐厅吃过了十分难吃的天使面之后, 从此对天使面十分讨厌, 因为质感有如婴儿糊仔, 令人食不下咽。
但今次小弟决定多给天使面一次平反机会, 全因为蔡澜的一句老话: 因为第一次尝新却遇上了厨艺差劲的餐厅, 令人以为这道菜难吃极了, 从此敬而远之, 却不知道是自已一时霉运, 但因此而放弃了一项美食, 真是蚀足了大本。
正餐决定了, 那餐汤呢? 问了侍应除罗宋汤外, 那个是日餐汤是何东西时, 小妹妹竟然O咀不能回答。
小弟心想, 乜而家D八十后真系咁利害, 返工就真系只带个人, 自家卖乜都未知。
好在佢都识得用Call机问下, 原来今日系甘荀火腿汤, 咁就呢个啦。
等待时刻:
欣赏下装修, 又欣赏下D所谓摆设, 又欣赏下个藤蓝内用餐巾细心包好的餐纸和餐具。
先来的是餐包, 触碰之下是微热的, 有点窝心的感觉。从远处看到微波炉, 相信是它的杰作, 值得一赞。
良久, 仍未见餐汤到来…ZZ…Z…
十数分钟后汤来了, 一分钟后天使面也来了 (连保温胶盖) ！？ 玩乜！
原以为汤是热的(以为制作需时, 所以等咁耐), 却竟然是微暖的, 咁做乜要等咁耐, 搞到个餐包都冻哂。
而天使面也来得未免早了一点, 就算有保温盖, 待得小弟喝罢汤后, 相信个面都冻得有番咁上下啦！
算啦, 饮汤先…如果唔系佢讲, 个汤又橙橙地色的话, 我真系饮唔出呢个系甘荀汤…@_@ 系一D甘笋味都无架
草草了事后…食面！ 开盖！又摆得几靓㖞(开心), 不过有少少冻左…(唔开心)
面, 真系几好, 硬身, 有蒜茸味, 用油炒过, 不错, 有点感动, 以后有天使面食啦, 原来天使面系咁好食o既, 阴功小弟仲以为系人间垃圾添, 我怪错左你啦, Sorry~~~日后我会食多几次作为补偿嫁啦~~~
磨菇数片, OK啦
黄椒两条, 太少了(得两条牙签咁大), 驶唔驶咁孤寒, 乜好贵架咩？
蚬肉数粒, 完完全全系无味的, 仲要好似食紧一旧像胶
大虾两只, 有D鞋, 有少少黑椒味, 重冻冻地添, 唉
总的来说, 成碟野最精彩系个面 + 磨菇 + 黄椒 + 卖相 (Oh, 卖吉！主角变配角, 咁个面应该改名为: 磨菇黄椒靓靓天使面)
食完, 小妹妹侍应又来问: 先生要什么甜品和餐饮？
答曰: 有那款雪糕可以选择呢？
她的回覆好鬼长, 也好鬼细声(可能系俾佢自己听), 所以麻烦佢再重覆一次。
终于听到, 最后选了芝麻雪糕连窝夫 + 咖啡
咖啡好快就到, 乜唔系甜品先上的吗？咁我食完甜品之后, 热啡都变冻啡啦, 乜你呢间野上菜次序咁特别架？你可唔可以一阵帮我用微波炉叮番热个咖啡呀？
闻下个咖啡, 无乜香味, 饮下, 又无乜啡味, 噢…仲有少少酸…我想话Mc café会好过佢啰。
加奶, 睇下会否好一点。都系唔掂, 而家似奶水多D, 饮半杯经已放弃。
5分钟后, 甜品终于来了。
卖相十分的漂亮, 窝夫外脆内软, 带有蛋香, 完全系儿时常吃到的鸡旦仔的味道, 超怀念！(而家小弟超过十年未曾在香港食过鸡旦仔, 实在太难食了, 除非返大陆去顺德, 咁一定会帮衬曾志伟代言果间)。
芝麻雪糕又点呢？…！…！有少少苏苏地味！小弟最怕呢种味！
研究之下发现原来系雪糕底下的Cream出事, 哗！借过唔该, 请你走开！
我地再黎过吓, 唔好俾D唔开心野影响到。
芝麻雪糕…有芝麻粒但无芝麻味, 请问你系边个？翻版定系山寨？不过都叫做食得落口。
如果有为窝夫而来的朋友, 小弟敬告, 楼下的Gelare会好好多, 不论个Cream, 雪糕, 窝夫都会胜过风月堂; 再者Gelare选用的枫树糖浆是十分的香和美味的(搞到好似帮人卖广告咁)。咁当然Gelare个雪糕窝夫会贵好多, 收咁贵就当然要有番咁上下至得啦。
埋单, 连加一Total $79.20
论店舖, 系几得, 女仔会钟意, 但话明食店, 小弟就唔会俾个舖影响到条脷, 野食系得就得, 唔得就唔得, 也不会以价钱来定价性比。
呢餐之后, 如果要小弟科水再来, 那就不必了, 如果有人请, 就会俾多一次机会佢, 若然情况一样, 那就拜拜了。
今餐叫做OK, 但因为有期望, 所有都几失望, 整顿饭下来, 心情又上又落, 有弹有赞, 都算颇为特别。
张贴