豚王 (V Walk)

营业中

休息中

今日系v walk 揾食，突然想食拉面，见到有呢间餐厅，就入去试下，本身本人对商场既连锁拉面店冇乜野期望，但食完之后觉得好有惊喜。 首先，先赞一下佢既服务态度，侍应体贴地系有限既地方都比多一张櫈比我地放袋。跟住比纸巾我地用黎遮住件衫，废事弹到d汤汁。跟住我女朋友唔小心整污糟左条裙，佢特登整d消毒酒精落张纸巾到比佢抹。 系食物质素方面，我地叫左限定里赤王拉面配猪肩肉，黑王拉面配猪肩肉，一只溏心蛋同豚王饺子王。 1.限定里赤王拉面配猪肩肉： 佢既汤底系sell 辛辣，虽然本人唔系好食得辣，但都觉得佢辣得过瘾，够香，忍唔住一啖啖汤咁饮。猪肩肉林同唔肥，所有野加埋好好味。 2. 黑王拉面配猪肩肉： 一上菜已经闻到香味，汤底非常浓郁挂汁，但唔会过咸，好香既虾同蒜味，肉碎配料都好香口，面条软硬适中。虽然冇咩墨汁味，但整体黎讲都比一般既拉面店做得好好多。 3. 一只溏心蛋同豚王饺子王：溏心蛋同饺子就冇乜特别，同一般拉面店差唔多。 总结： 比一般拉面店有惊喜，汤底浓郁香口，但唔会太重口味，非常值得一赞，对得住个价钱，绝对值得一试。