Black Coffee

营业中

休息中

上星期同阿仔温完书夜晚出去拍拖，发现原来观塘呢间cafe又好味又抵食㖞浓汤大虾意粉，只虾好大只，意粉软硬度煮得刚刚好，最重要味道真系好浓郁，啊仔一个人可以食晒一碟，份量其实都几大，仲配埋沙律，即刻感觉健康左。炸鸡肉虾饼三文治本身谂住系轻食，点知原来好大份，配埋薯条食完真系超级饱，三文治入边嘅炸鸡肉虾饼一d都唔干，而且有咸香味，粗薯条更加系我嘅至爱，全部嘢即叫即整，热辣辣就系最好食。饮品同甜品都有惊喜嘅高质，尤其杯dirty coffee no ice 真系好strong ，我一定要朝早再来饮多次充电。甜品窝夫即叫即整朱古力偏少少苦味，我钟意冇咁甜，外脆内软，配雪糕一齐食，真系好满足。tiramisu劲creamy 卖相麻麻但食入口超好味，我将Tiramisu同窝夫夹埋一齐食一样咁好食，呢间Cafe的确高质，下次经过观塘我都要再嚟。