禮賓傅 (已結業)

有朋自远方来归来，平时食惯西餐，一返嚟香港梗系要食返中餐啦。呢间礼宾傅，之前帮老细book过一次位，佢话好好食，今次就豪一豪佢，轮到我来食啦。羊城鸽松将乳鸽肉切碎再混合埋啲菇啊肉碎啊等等一齐去炒，放佢喺生菜上面，卖相一流。见到个块生菜吗？条边仲要系修剪过嘅，心意可嘉。而且炒肉碎配埋生菜一齐食，口感清新，唔会觉得油腻。鹅肝虾多士多士脆卜卜，上面配有鹅肝同埋虾，够哂丰富。平时食多士最怕成口油，但呢个炸得唔错。不过鹅肝略嫌份量少左啲，唔系好食到佢嘅味道。羊肚菌炖螺头呢个汤真系不得不赞，味道鲜甜到呢...羊肚菌味道比较浓郁一连埋猪肉一齐炖螺头，鲜味非常，每一啖都系精华。西兰花炒带子呢件带子不得了，大大粒不特止，仲要外皮煎到够晒脆，但里面keep住嫩滑。入口𠮶种外脆内软嘅感觉的确令人惊喜。香港炒饭个炒饭睇落平平无奇，但食落粒粒分明，而且好干身唔油腻。加啲葱呀、肉粒呀一齐炒，用料普通但系味道一啲都普通。合桃糊望落个样杰挞挞，啱晒我心水，食落唔会粉，而且合桃味好香，做饭后甜品一流。呢餐饭绝对满足到朋友仔嘅思乡之情，喺香港食完咁靓嘅中餐，返到去都唔知食咩好lu。