Bistro East

营业中

休息中

西湾河海旁西餐厅用餐真系好relax!!餐厅有个落地大玻璃，而家秋天可以坐喺门口位置有秋凉嘅感觉！仲可以见到窗外嘅海景，感觉非常放松。我地叫左牛肉他他（Beef steak tartar）真系令人惊喜！肉质新鲜，切得好细，搭配少少香料同埋鹌鹑蛋黄，食落口滑溜又有咬口，味道非常丰富！接住嚟系我好中意食既鹅肝（foie gras）。呢一份鹅肝煎得恰到好处，外脆内滑，配上少少黑醋同埋无花果，甜中带咸，真系好好味！食落去有一种幸福感！然后就系BBQ猪肋骨（bbq ribs），呢个真系唔可以唔提！肋骨烧得非常入味，酱汁浓郁，啖啖肉都好有口感，简直系肉食者嘅天堂。啲肉质嫩滑～～甜品叫左提拉米苏（tiramisu）。呢一款手制甜品真系好正！咖啡粉同埋滑滑cream 结合，食落去又香又滑，唔会太甜，完美作为一餐嘅结尾。