一碗小麵 (已結業)

第一次來到點了新推出的“泡椒牛肉米粉”,(米粉即刻我地食既米線)未試過辣度安全起見點了小辣。麵一來到已經聞到很香的泡椒氣味,帶點麻辣,呢種香味感覺味道適中。第一啖試湯,香,麻,辣味道分布剛剛好,(其實食開辣既朋友可以選擇中辣)有時其他餐廳有時會把麻蓋過了辣,我自己覺得呢個味道比較恰到。試試牛肉,望上去好似會比較靭,但食落又比想像中鬆軟很多,入味的,不過我覺得可以再好啲。米線冇特別,同我地出面食到既一樣。份量較細,我再點了一客“口水雞”呢個冇得揀辣度,呢個較普通,下次會試其他餸菜。