風月堂 (已結業)

好耐冇去呢间风月堂食饭。选择呢度通常都系因为睇完早场就脚食午餐，虽然奥海城有好多食店，但系要揾间坐得舒服自在的这间应该是首选。(因为通常都唔驶等位又唔会赶客) 食过旺角那间都觉得奥海城呢间比较有水准。估唔到复活节假期都有set lunch，$72有五款选择。虽然唔可以话好平，但相比散叫要过百蚊一个人已经算抵食。我叫了鸡扒配煎三文鱼，老公就叫咗日式薄烧牛扒配带子饭。块牛扒也不算细块，带子煎得几香。鸡扒皮脆肉软，最怕熟的三文鱼嚡口，好彩呢度煎得刚好。一句讲晒，好耐冇出去食过咁有水准的set lunch。赞！头盘有茄子肉酱沙律，味道OK几特别。罗宋汤也很浓。不过要弹的是份量很少，男生食可能会觉得唔够饱，女生食埋甜品就啱啱好。甜品是自选雪榚窝夫。风月堂的窝夫一向都好味。雪榚有几种味道选择可惜没有绿茶雪榚，有点失望呢！嘢食算唔错如果饮品可以改改唔用现在那种红茶就好。