茶木‧台式休閒餐廳 (T Town South)

营业中

休息中

忽然发现T Town 有新开嘅茶木餐厅，好想去试吓，终于晚上有时间出去食饭，等位都唔少人，好彩等左一阵就有位。环境好舒服，坐得一啲都唔迫。我哋叫左红烧牛肉面、黑醋味冧猪软骨配珍珠饭、路边摊小食。份量好足够，男士都觉得好够食，上菜速度快。红烧牛肉面（$88）- 牛肉煮得好松软嫩滑，轻轻咬落去已可咬开，食到肉汁及牛肉味。黑醋味冧猪软骨（$82）- 猪软骨煮得好冧，有啲似牛筋咁冧，仲好细心有个炉煮住，保持热度。路边摊小食（$68）- 呢个系小食拼盘，有盐酥鸡、炸福丸（包心鱼丸）及台湾香肠，估唔到咁好食⋯⋯如果可以配饭仲好餐牌上甜品好吸引，特饮都好靓，可惜今晩食得太饱了，期待😚下次可以再试下。