大戶屋 (已結業)

因为成日好多人排队，好耐无去大户屋啦。今晚好彩排佐２０分钟就有得食啦。黑醋鸡肉野菜定食 : 黑醋好香，酸味啱啱好。 炸鸡肉及野菜配合黑醋，味道好夹、好开胃。简简单单但真系好食都无朋友。 色香味俱全， 同餐牌张相有九成以上相似。系老公的必选。另外，椰菜丝混合芝蔴及酸味的沙律酱。味道清新，令我好怀念东京高岛屋果间出名的炸猪扒餐厅。佢哋的椰菜丝混合西柚沙律汁，真系太好味。所以，毎次我必定追加椰菜，免费㗎。盐汤鸡肉锅定食 : 清甜的盐味汤底配合多款杂菜及豆腐，清清哋。最啱啲怕肥人士。美中不足系啲鸡吾够滑。山芋蓉豆腐冷盘 : 豆腐好香，山芋蓉（即系新鲜淮山）加纳豆，生蛋及豆。就咁食，有啲怪怪哋因为无唛味及质地粘粘哋。最好系加豉油及饭就好味好多。大户屋最好系啲饭的定食可以免费无限加饭，最啱啲大食人士。