影片
更多
2019-08-20
74 浏览
现时以七八十年代香港为装修主题嘅餐厅真系唔少，我就特别中意呢种装修，觉得好好feel。所以都经常揾类似装修嘅餐厅约朋友去打卡。首先拣汤底就出现了唔同意见，我就觉得环境咁港式要拣返啲清啲嘅，例如猪骨汤或者系冬瓜汤。滋补得嚟又好味。但朋友就觉得打边炉就系要重口味，想拣老成都麻辣锅。最后少数服从多数，拣咗麻辣锅……我就比较少食麻辣汤底，所以都唔知要点判断个汤底整得好唔好，总之个辣度我可以接受到，都几有麻香，几啱我口味。我地都系啲懒人兼有选择困难症，懒得拣又好难做选择，所以叫咩都中意叫拼盘嘅，一共都叫咗好几样拼盘，牛肉又有，猪肉又有，手打丸又有，菇类又有，样样都可以试一下。阿肥牛皇拼盘，包括安格斯牛肉，谷饲牛柳粒，手切靓肥牛，黑牛柏叶。黑柏叶我至爱，最近学咗烚牛柏叶嘅方法，叫7上8下，有兴趣嘅可以上网睇下，咁嘅烚法可以食到最佳嘅爽脆口感。猪朋好友，包括猪润，猪肚，粉肠，猪皮，日本腩片。日本腩片唔错，几滑嫩。自家鲜制四宝丸，包括鲜虾丸，墨鱼丸，牛肉丸，黑豚肉丸，第一次食黑豚肉丸，唔会有猪肉嘅骚味，口感松软，好味。后尾我地又叫咗碟济州黑豚肉片，怀念下之前去济州岛嘅风味。什菌拼盘，我自己本身好中意食
首先拣汤底就出现了唔同意见，我就觉得环境咁港式要拣返啲清啲嘅，例如猪骨汤或者系冬瓜汤。滋补得嚟又好味。但朋友就觉得打边炉就系要重口味，想拣老成都麻辣锅。最后少数服从多数，拣咗麻辣锅……我就比较少食麻辣汤底，所以都唔知要点判断个汤底整得好唔好，总之个辣度我可以接受到，都几有麻香，几啱我口味。
我地都系啲懒人兼有选择困难症，懒得拣又好难做选择，所以叫咩都中意叫拼盘嘅，一共都叫咗好几样拼盘，牛肉又有，猪肉又有，手打丸又有，菇类又有，样样都可以试一下。
阿肥牛皇拼盘，包括安格斯牛肉，谷饲牛柳粒，手切靓肥牛，黑牛柏叶。黑柏叶我至爱，最近学咗烚牛柏叶嘅方法，叫7上8下，有兴趣嘅可以上网睇下，咁嘅烚法可以食到最佳嘅爽脆口感。
猪朋好友，包括猪润，猪肚，粉肠，猪皮，日本腩片。日本腩片唔错，几滑嫩。
自家鲜制四宝丸，包括鲜虾丸，墨鱼丸，牛肉丸，黑豚肉丸，第一次食黑豚肉丸，唔会有猪肉嘅骚味，口感松软，好味。后尾我地又叫咗碟济州黑豚肉片，怀念下之前去济州岛嘅风味。
什菌拼盘，我自己本身好中意食菇，但就唔识啲菇类嘅名，啲菇索晒啲辣汁，正啊！
猪油渣酱油炒饭：其实我打边炉都唔会食饭，不过有个朋友一餐唔食饭唔得，所以就叫咗个饭比佢食，我都试咗一啖，饭炒的几香，几干身。
张贴
