犢食 (已結業)

今晚工作关系去开观塘，专登揾吓去边间餐厅食晚餐，喺网上见到有间小店价钱唔贵，而且好有理想同坚持，决定去帮衬虽然系工厦中，但非常容易揾，而且里面环境好卫生，职员都系一班年青人，好有礼貌同笑容餐牌上嘅选择主要系汤咖喱乌冬、丼饭、小食同饮品，见小食好多款都好吸引，今晚就只嗌小食我拣咗免治鸡软骨串、鲣鱼汁炸豆腐、照烧鱿鱼串、芝麻鸡翼同两款可乐饼最抵赞系可乐饼，有紫薯甘栗味同南瓜味，两款都炸得好香脆，而且里面嘅材料好吸引，因为真系见到栗子肉同埋紫薯蓉，甜度适中又够饱肚，值得一试，而南瓜饼都好有甘甜嘅味道鲣鱼汁炸豆腐里面嘅豆腐好滑，外层香脆，配上汤汁食落去好夹鱿鱼串口感弹牙，外表烧得焦香，好吸引免治鸡软骨串都好味，里面有脆脆地嘅鸡软骨而芝麻鸡翼比较一般，如果芝麻味更香浓就好另外再叫左盒抹茶味嘅豆乳，系食煎炸野嘅同时饮返盒健康又解腻嘅抹茶饮品我觉得呢间小店好有心，睇得出呢班年轻人好热血，食物嘅卖相同味道都抵赞，价钱亦都唔贵，$100已经叫咗好多款小食，店里唔系太多人，坐得好舒服，总之值得支持！