生昌潮州海鮮酒家

营业中

休息中

听闻大围呢间打冷好出名，今日有幸黎会一会。一入去都几开心，淋郎满目摆满唔同既菜式，咁先饮打冷，生熟既野佢分开左两边，摆得好干净卫生，仲好吸引，特别条乌头，劲大条好似好好味咁。呢度仲有比较少见既狮蚶，我都系第一次食，鲜红色既汁，半生状态唔系人人接受到，但配埋个汁真系几鲜味，仲叫左个凤梨虾，啲凤梨仲好食过只虾，啲虾好大只又爽脆，仲有胡椒猪肚汤，呢个唔够胡椒，唔够热，冬天食应该正啲。个盐焗乌头真系好正，原条上碟，上枱时侍应一手打开层皮，条鱼仲好热，新鲜鱼简单盐焗就好好味，仲挂住元朗乌头呢个牌，净买呢条鱼都唔平啦，非常值呀！