Friendmily (已結業)

店内坐得舒服，服务好好，食物比预期中都好 (可能呢排中伏太多，唔敢有太高期望)一份羊架（5成熟），一份意大利饭，两个都跟setset salad唔跟汁上 咁几好，之后侍应抽住个篮，装左芝麻酱同白式既普通沙律酱，两个都好味。羊架有3块，虽然好大旧但有2旧都比较多肥膏，钟意既话会好岩食因为好够膻，肥膏中有啲似胶咁既筋，好够韧口。配水水的黑椒汁有啲古怪。羊架下面有薯格，应该系新鲜炸好，脆卜卜 唔沾茄汁都好正。意大利饭系全部熟晒既，几好，但似系炒饭 有青豆红萝卜粒咁。蟹肉拌咖哩酱汁整左系蟹盖入面，个汁唔错，捞饭一流。其实呢个应该叫咖哩蟹肉配饭，因为多汁拌落啲炒饭到，所以变左传说中既意大利饭。总括黎讲都唔错，系配搭古怪小小。进步空间系有唔小既，但我谂个厨会系几个月之后俾到惊喜大家，可以去支持下既。