尚鮮海鮮料理

营业中

休息中

今晚黎呢度主要系叹海鲜，所以叫左支好match海鲜既白酒，呢支Pieroth出面饮开最平都三百几蚊，黎到呢度二百蚊左右有交易。一打开有阵阵花香，饮落微甜好易入口，男男女女都啱饮。叫左个招牌龙皇锅，入面好多海鲜，龙虾、大虾、蟹、花蛤、带子同扇贝等，仲会用埋订左果款刺身既头及壳，再加工处理熬汤。我地订左龙虾刺身，所以个汤饮落好鲜甜、龙虾味特浓，一饮就知好足料。而啲海鲜食得出好新鲜，大家都十分满意。另外想讲下个龙虾刺身，厚度切得唔错，入口啖啖肉鲜甜无比，口感清爽带脆，一般生虾刺身完全无得比，话系极品一啲都无夸张。顺带一提呢度个法国生蚝，蚝身肥美，蚝味浓、海水味重，其实只要来货够靓，简简单单最能食到食材既原味。