賀天

营业中

休息中

約朋友將軍澳晚飯，朋友提議食日本嘢，就揀咗呢間餐廳。餐廳逢星期一三五日壽司買一送一，House sake $98/300ml。另外，逢星期二四六，串燒買一送一。我星期三到訪，梗係主力食壽司啦。北海道海膽及赤背都新鮮美味。亦都喜歡帶子及鰻魚。我哋亦點咗安格斯壽喜燒，份量足，性價比高，真心推介。日式串燒方面，我哋叫咗雞翼，黑豚肉萵筍及秋葵，燒得唔錯，熱辣辣又美味。自選壽司拼盤：日本北海道海膽，活赤貝，黃金松菓蟹肉，車海老壽司，日本帶子壽司活鰻魚壽司安格斯壽喜燒涮涮鍋日式串燒：九州手羽，黑豚肉萵筍，秋葵甜品：朱古力蛋糕，伯爵茶千層蛋糕餐廳消費$300送$20 coupon，$500送$50 coupon 。下次到訪會揀星期二四六，食多啲串燒。