壽司郎 (翔盈里)

营业中

休息中

星期日兩位幫襯，兩點幾去到攞飛，要四點幾先食得。去咗黃大仙中心行一轉再去埋黃大仙廟拜神，返去啱啱好只需補飛等1張枱（張飛嗌號後超過30分鐘作廢）。去到坐低先知原來用餐時間係一個鐘。我地有大部份壽司用機點，少部分喺帶上拎。我當日最印象深刻好食嘅壽司係：帶子、海螺兩味、蟹膏加蟹肉、燒魚鰭邊、昆布魚子。好食正常但無咩驚喜：中toro、漬魷魚。伏嘅係：海膽（腥）、魚鰭邊加紫蘇（只有紫蘇味道）。時間過得好快。。。一個鐘過咗員工便來提示。我地立刻點咗兩個甜品再坐耐dd哈。甜品點咗peach雪糕杯和一個卡達拉娜。兩個都有驚喜。睇相以為卡達拉娜係蛋糕，原來是凍法式焦糖custard。