米串咀 (已結業)

呢间小店喺阿妹公司附近，佢趁今日返半昼，就外卖返屋企试吓。香辣鸡煲罐头饭鸡煲用罐头装住，我都第一次见！！饭同鸡分开放，相当细心，值得一赞！外卖返到屋企微微暖，个罐头系易开果种。鸡件都算多，鸡肉唔会碎湿湿，辣味几香，唔算系超辣，辣完会有少少麻，个汁捞饭几唔错。冷串串套餐咁叫，选左8串：年糕、风琴串、章鱼丸、脆皮肠、鸡翼尖、猪皮、水鱿鱼、鱼腐。可以选红油麻辣味或藤椒味…….阿妹选左后者，汁是重点，所以一定将竹签上面嘅冷串，浸喺酱汁度，等佢吸晒汁先食！沾料有一包油碟，一包干碟（粉）。冷串串初体验，觉得几得意，藤椒味香而不辣，咩人都食到，冷串料方面，特别喜欢水鱿鱼，爽口弹牙！