老長沙湘菜館

营业中

休息中

星期五晚同男朋友行过呢间餐厅，见到入面坐爆晒，又见到价钱都唔算太贵就入去试吓~ 现场见到啲食客全部都系讲普通话，所以我谂呢间咁深受内地人欢迎嘅湘菜，应该会几正宗不过呢个时候我哋都担心啲嘢会好辣，好彩都见佢有啲唔辣嘅食物选择~ 我哋叫咗窝窝头同炒牛肉，窝窝头其实就系甜梅菜塞落啲馒头入面，甜甜地几特别，亦都无乜辣味，啱晒怕辣嘅人，值得一试~ 炒牛肉肉质几软熟同香口，同样都冇乜辣味，味道唔错另外我哋叫咗铁板水晶粉同辣鸡丁就真系几辣几惹味，水晶粉仲大大碟，我哋两个人净系食咗一半都无就劲饱~ 好满足嘅一餐~值得一提嘅系餐厅都有啲好特别嘅食材，例如甲鱼同牛鞭虽然我地两个都无乜勇气试，不过岩哂想尝鲜嘅人黎挑战一下~