西宮 (已結業)

当日为了庆祝其中一位朋友生日，大家都商量去边度食饭，当中有位朋友提议食buffet,又唔想出到九龙咁远，有朋友提议去西宫食，听讲佢哋依家转咗做全buffet,而且仲有85折添，于是我哋就浩浩荡荡咁冲上去。上当去果然唔同咗，因为我上个月同朋友试过，虽然食物同价钱都几好，但食完之后都好似欠缺d嘢，就系冇甜品食，因为佢哋系做semi buffet 要叫set先有甜品，我哋又冇order set,所以冇甜品食，我哋当时都有同佢哋d staff 反映，佢哋话会迟d转为full buffet,果时会有埋甜品添。果晚去到仲有我最钟意嘅三文鱼同翡翠螺，佢哋嘅翡翠螺真系好鲜味，我试过其他地方就算酒店入面都食唔到。佢到仲加多咗d熟食，其中一款芝士焗生蚝简直有d惊喜。生蚝面头有一层香浓嘅芝士，食落去又唔会盖过蚝嘅鲜味，唔错！佢就仲加多了烧牛肉（因为我唔食牛肉所以冇试到）不过我d朋友都话味道几好。甜品都有几多选择,我最钟意系流心芒果布甸,布甸放系一只细杯入面，份量啱啱好，布甸食落去仲有d芒果桨流岀囄，口感唔错。我哋果睌对食物同service都几满意，其中一个waiter系我哋埋单时候都有问我哋意见，值得一赞。