影片
更多
2020-04-16
1135 浏览
夜晚约左两个朋友去饮下野、chill下，所以拣左呢间喺西湾嘅burger shop。入到去座位有高枱同普通枱拣，冇人带位，系外国free seating 风格，可以自由拣位坐。餐厅有5-7张枱左右，枱与枱之间都隔得算疏，所以可以放心同朋友倾计唔怕比人听到晒。我当时7点左右入左去，都系得2枱人，所以感觉可以放松慢慢食，唔洗惊比人催埋单。餐厅选择都几多，汉堡有猪、牛、羊、鸡、海鲜、素食拣。唔想食汉堡仲有all day breakfast同沙律可以选择，成个menu可以满足晒食肉兽同健康人士～至于小食方面，大部份都系炸物，岩晒做下酒菜个menu样样都好好食咁，我净系拣burger都要谂左十分钟到最后我地三个人叫左个经典手打羊肉汉堡、流心芝士手打牛肉汉堡（另加鹅肝）、墨西哥粟米片同埋芝士焗珍宝菇。落单系自助型式，要自己行去收银处落单比钱，之后食物做好左会送去位度。由于系开放式厨房嘅关系，比完钱之后就见到厨师系度搓个burger旧肉，都几盏鬼。我谂一定系对自己个厨房整洁好有自信先会敢整开放式厨房由于系即时手搓、煎同烘嘅关系，所有burger都要等大约20分钟左右。但我觉得系完全值得嘅，因为2个b
入到去座位有高枱同普通枱拣，冇人带位，系外国free seating 风格，可以自由拣位坐。
餐厅有5-7张枱左右，枱与枱之间都隔得算疏，所以可以放心同朋友倾计唔怕比人听到晒。
我当时7点左右入左去，都系得2枱人，所以感觉可以放松慢慢食，唔洗惊比人催埋单。
餐厅选择都几多，汉堡有猪、牛、羊、鸡、海鲜、素食拣。
唔想食汉堡仲有all day breakfast同沙律可以选择，成个menu可以满足晒食肉兽同健康人士～
至于小食方面，大部份都系炸物，岩晒做下酒菜
个menu样样都好好食咁，我净系拣burger都要谂左十分钟
到最后我地三个人叫左个经典手打羊肉汉堡、流心芝士手打牛肉汉堡（另加鹅肝）、墨西哥粟米片同埋芝士焗珍宝菇。
落单系自助型式，要自己行去收银处落单比钱，之后食物做好左会送去位度。
由于系开放式厨房嘅关系，比完钱之后就见到厨师系度搓个burger旧肉，都几盏鬼。
我谂一定系对自己个厨房整洁好有自信先会敢整开放式厨房
由于系即时手搓、煎同烘嘅关系，所有burger都要等大约20分钟左右。
但我觉得系完全值得嘅，因为2个burger都真系好好好好好食。
首先讲个经典手打羊肉汉堡，呢个真系充满惊喜。
香港地好少见有羊肉burger，所以一见到都即刻叫左。
个包充满牛油香得黎有少少外脆内软，入面旧羊肉扒劲多汁之余仲好有羊味，佢唔系好臭嘅骚味，而系好香嘅羊肉鲜味。
配搭埋个辣辣地嘅酱，真系令人食指大动
我个人觉得呢个汉堡真系好食到会令人一直都记得。
经典手打羊肉汉堡
$108
105 浏览
0 赞好
0 留言
之后就系流心芝士手打牛肉汉堡，由于我太中意食鹅肝，所以另外加左追加。
呢个都好食，但相对黎讲冇羊肉汉堡咁惹味，个牛扒都系好多汁，仲好重牛味。
一咬开，入面就有芝士流出黎，非常邪恶。
成个包劲大个，一个人食的话真系会饱到傻
我觉得加左鹅肝令到成个burger腻左d，所以如果有机会再食都唔会加toppings。
流心芝士手打牛肉汉堡（另加鹅肝）
$188
62 浏览
0 赞好
0 留言
小食方面，两样都好味（个芝士焗珍宝菇挂住食唔记得影相）。
先讲墨西哥粟米片，佢好香脆之余，配埋个秘制牛油果酱真系冇得顶。
完全食到停唔到口，我地三个一路饮野一路食，真系好滋味。
墨西哥粟米片
$86
89 浏览
0 赞好
0 留言
个芝士焗珍宝菇就要等耐少少，因为系即刻焗制。
只菇真系都几大，有手板咁大只，上面全部都系芝士，趁热食果时系可以拉到丝。
仲要一切d汁系咁流，流到成只碟都系，真系好正。
记得要等一等先好食，如果唔系真系热到个咀架会
呢度除左野食之外，其实都仲有酒饮（啤酒、cocktail、liquor都有)。
价钱都好抵，cocktail大约60蚊左右一杯。
仲要厨师好慷慨，d酒真系倒得好足份量，饮落真系有酒味而唔系好似饮汽水咁
我地3个人一共饮左6杯cocktail，加埋d野食先900蚊左右，真系好抵
张贴
