開餐 (已結業)

经过佐敦见到有间港式嘅茶餐厅，谂住入去食普通嘅常餐，点知原来有酸鱼食，嗱嗱声入去试吓，价钱都好相宜！点餐嘅时候仲可以加$10，就换到一大支嘅花茶饮👍🏻👍🏻效果就唔太睇到出，但味道系好ok唔好太浓。我叫左酸鱼汤米线，第一啖食好滋味，个汤都够味，而啲鱼都超滑唔多骨，但一路食一路标汗🤣真系愈食愈辣呀，虽然系咁但我冇停低，一路饮冻野中和返。而朋友就叫左甜豉油太阳蛋肠仔餐肉鸡扒饭，即系大杂烩😝所有食物都正常，煎得唔太㶶，而只蛋系主角，煎得啱啱好，流心蛋黄加甜豉油捞饭一流👍🏻不过呢间食肆就比较细，枱同枱之间都比较迫，空间感差啲啲。但服务好好，坐低会派纸袋放口罩，有搓手液👍🏻