影片
更多
2023-05-05
3559 浏览
港式小炒最紧要有镬气，今次呢间餐厅系楼上铺，同大排档差唔多，座位就阔落得多，坐得都算几舒服！菜式选择多而且价钱亲民，大部份菜式都唔使$100一碟，好抵食！佢有传统嘅港式小炒，仲有鸡煲、烤鱼、干锅呢啲川菜可以叫㗎～平日夜晚个场都几爆，如果多人嚟食嘅话，可以book间房，咁就唔使等位又可以有多少少私人空间！------------------------------🐖◖冰梅榄角骨+啤酒◗ $88+$20有六块一字排骨，大大块啖啖肉，用咗梅汁同黑榄角调味，梅汁好浓稠，排骨表面沾满晒汁，味道酸酸甜甜，加埋榄角碎香味好特别！佢呢个菜式仲可以加多$20转啤酒套餐，叫埋支大蓝妹啤酒啤一啤佢！🍻🦪◖酥炸珍珠蚝◗ $88 珍珠蚝肉唔会好细粒，外皮炸得好酥脆，食得到蚝肉嘅鲜味，点埋个香醋，令蚝肉鲜味更出，亦可以去除油腻感！🐟◖姜葱鱼腩煲◗ $78鱼腩大大块唔会好多骨，份量都唔少，鱼肉好嫩滑，外皮稍微煎过几香脆，鱼肉经过姜同葱爆香过，再搭埋葱一齐食，好香好惹味！🌶️◖土匪猪肝◗ $88呢个土匪有劲多辣椒干同葱，有啲似辣子鸡嘅感觉，食落都几辣，猪肝系粉肝，口感偏软绵，唔系爽脆口感，切得几厚几大块，猪肝预先腌制过
平日夜晚个场都几爆，如果多人嚟食嘅话，可以book间房，咁就唔使等位又可以有多少少私人空间！
------------------------------
🐖◖冰梅榄角骨+啤酒◗ $88+$20
有六块一字排骨，大大块啖啖肉，用咗梅汁同黑榄角调味，梅汁好浓稠，排骨表面沾满晒汁，味道酸酸甜甜，加埋榄角碎香味好特别！佢呢个菜式仲可以加多$20转啤酒套餐，叫埋支大蓝妹啤酒啤一啤佢！🍻
🦪◖酥炸珍珠蚝◗ $88
珍珠蚝肉唔会好细粒，外皮炸得好酥脆，食得到蚝肉嘅鲜味，点埋个香醋，令蚝肉鲜味更出，亦可以去除油腻感！
🐟◖姜葱鱼腩煲◗ $78
鱼腩大大块唔会好多骨，份量都唔少，鱼肉好嫩滑，外皮稍微煎过几香脆，鱼肉经过姜同葱爆香过，再搭埋葱一齐食，好香好惹味！
🌶️◖土匪猪肝◗ $88
呢个土匪有劲多辣椒干同葱，有啲似辣子鸡嘅感觉，食落都几辣，猪肝系粉肝，口感偏软绵，唔系爽脆口感，切得几厚几大块，猪肝预先腌制过好入味！
🍖◖孜然手抓骨◗ $38/枝
手抓骨食落似猪髀骨，表面撒满孜然粉，唔算好大支，但胜在全块都系肉，口感软腍，然后会有啲筋膜位置，有啲口感，但略嫌唔太入味～
🥬◖凉拌莴笋丝◗ $42
用咗麻油去拌莴笋丝，麻油香味好出，口感爽脆清甜～
🌟 Encore指数：9/10
张贴
