越男仔 (已搬遷) 新店位置

老婆钟意食越南粉，但香港难食到又正宗又贴地既店舖。经过广华街，见到一个装修似食日式拉面(吧枱位)既越南菜馆，传统粉面加小食，价钱略为贵了少少，但都试一试喇。我就点了火车头河，卖相同份量都满意，生熟牛肉，牛筋，牛栢叶，牛丸(非一般)再加一只生鸡蛋。以上材料质素甚高，汤底清甜冇味精。老婆点了茄汤猪扒扎肉汤河，汤底浓，超正👍，猪扒松轻香口。每人加了各一款小食，分别是春卷和虾饼。春卷应该系用米纸卷成再炸，所以比硬身，虾饼ok。另一推介系姜蜜，冻热都有，虽然要加成25蚊一杯，但呢杯系店舖用心煲出来既饮品，所以都觉得值既。