土耳其小城 (萬昌樓) (已結業)

今日屋企无饭开，又系附近找野食。呢间野都想试好内，因为土耳其菜比较罕有，今晚终于有机会食啦！店内设计时尚新颖，灯光光猛柔和，灯饰好有当地本土文化，仲有电视机睇添。闲日晚间时段竟然都爆场，好彩等一阵就有位。浮云沙律沙律色彩缤纷，鲜艳夺目，菜切成一丝丝，份量好多，当中有车厘茄，椰菜，青菜，橄榄等等，味道清新爽口，感觉好健康。南印度玛萨拉鸡看起来好似好辣，但食入口原来都只是带点微辣，我不吃得辣都接受到。香叶味好香，红椒青椒蕃茄配菜多，鸡肉嫩和好入味，再用烤饼点汁吃，非常惹味。蒜油烤饼烤饼薄香而脆，仲好香蒜蓉味，即叫即煎，送到黎还是热辣辣的，一份有4大片，真系够晒喉。风味鸡软骨粒味道几特别，又唔辣，咸咸甜甜，虽然系鸡软骨，不过当中我又唔系好食到有软骨系里面，但我都几钟意呢个菜式。芒果乳酸乳酸味好重，略带轻轻既芒果味，食到咁饱，饮返杯乳酸都开胃d!好多都好想食，不过个胃有限，留返下次再试下其他。菜式几特别又好食，唔系周围都可以食到，怪不得闲日都咁多人食。