王子冰室 (已結業)

屋企有电器坏咗要拎嚟新蒲岗嘅工厂区修理，之前已经上网睇咗有咩好食，不过身为路痴嘅我地图都未睇得掂，原来多食肆𠮶边距离工厂区成七八条街，无奈之下喺附近睇吓有咩食，最后拣咗呢间小冰室。一入到去咁啱有人埋单，我哋两个人有卡位坐。冰室装饰以怀旧嘅画为主，虽然细细间，但客人好多，而且人手好足👍，职员做嘢好快手，食物质素唔错，两个人食咗一个午餐两个下午茶餐，价钱几抵。午餐嘅招牌无骨海南鸡饭，鸡好嫩滑，鸡肉透出少少粉嫩，唔会太熟，饭有淡淡嘅油香，粒粒分明，汤就咸咗啲。下午茶嘅怀旧芙蓉煎蛋饭，煎得香喷喷嘅蛋全盖过饭，里面有虾仁，火腿，叉烧，饭虽然只有豉油，但入口唔会干。下午茶嘅夹心西多士，花生酱多啲会更好。